اکثر طلباوطالبات اس بات پر پریشان ہوتے ہیں کہ وہ تمام چیزیں یاد کرکے جاتے ہیں لیکن جیسے ہی امتحان شروع ہوتا ہے وہ سب کچھ بھول جاتے ہیں۔ایسے طلباء کیلئے ایسی بوٹی موجود ہے جسے سونگھنے سے یاد کی ہوئی چیزیں کو آسانی سے دہرایاجاسکتی ہیں۔اس بوٹی کا نام روزمیری ہے اور یہ نہ صرف کھانوں کو لذیذ بنانے کے لئے استعمال کی جاتی ہے بلکہ اس کی وجہ سے یاداشت بھی مضبوط ہوتی ہے۔
قدیم یونانی دور لوگوں کو کوئی چیز یاد کرکے اس کی دہرائی کرنی ہوتی تھی تو وہ اس بوٹی کا استعمال کرتے تھے۔ نارتھیمبریا یونیورسٹی میں کی گئی تحقیق میں بتایا گیا ہے کہ اگر بچوں کو اسے سونگھایا جائے تو نہ صرف ان کی یاداشت اچھی ہوگی بلکہ بڑوں کی یاداشت پر بھی یہ انتہائی اچھا اثر رکھتی ہے۔تحقیق میں 10اور11سال کی عمر کے درمیان کے40بچے منتخب کئے گئے اور نہیں مختلف طرح کے دماغی کام سرانجام کرنے کا کہا گیا۔مختلف بچوں کو ایساکمرہ دیا گیا جہاں روزمیری کی خوشبو آرہی تھی اور کچھ بچوں کو ایسا کمرہ دیا گیا جس میں کوئی خوشبو نہ تھی۔ اس کے بعد بچوں کو فرداًفرداًتحقیق کاروں کے سامنے میز پر بیٹھایا گیا۔اس کے بعد تحقیق کار نے بچوں کو بتایا”آپ یہاں یاداشت سے متعلق ایک کھیل کھیلنے آئے ہیں،پریشان نہ ہوںاور اپنی بہترین کوشش کرکے جو باتیں میں آپ سے پوچھوں اس کاجواب دیں۔“ جو بچے خوشبو والے کمرے سے گئے تھے ان کی یاداشت اچھی ثابت ہوئی،بالخصوص انہیں پہلے سے یاد کی ہوئی چیزیں بآسانی یاد آگئیں۔تحقیق کار ڈاکٹر مارک موس کا کہنا ہے کہ ابھی اس بات کا حتمی جواب نہیں مل سکا کہ روزمیری میں ایسی کیا خاص بات ہے جس کی وجہ سے ہماری یاداشت یں بہتری آتی ہے لیکن ایک بات ثابت شدہ ہے کہ اس کی وجہ سے یاداشت یقینابہتر ہوجاتی ہے۔
